-
ວັນທີ 5 ເມສາ 2013 ໝວດໝູ່: ການປູກຜັກ
- ກະລ່ຳດອກເປັນພືດຜັກທີ່ເຮົາໃຊ້ບໍລິໂພກພາກສ່ວນລຳຕົ້ນທີ່ຄ້າຍດອກ ເຊິ່ງມີລັກສະນະເປັນກ້ອນສີຂາວ ແຕ່ກ່ອນຜັກຊະນິດນີ້ຕ້ອງປູກໃນເຂດຫນາວ ແຕ່ໃນປະຈຸບັນເພິ່ນໄດ້ຄົ້ນຄວ້າກະລ່ຳດອກພັນໃຫມ່ທີ່ສາມາດປູກໄດ້ ທັງລະດູແລ້ງ ແລະ ລະດູຝົນ ແຕ່ຕ້ອງເປັນບ່ອນທີ່ມີອາກາດເຢັນພໍສົມຄວນໃນເວລາກາງຄືນ.
ລັກສະນະທົ່ວໄປ. ກະລ່ຳດອກເປັນພືດໃນຕະກຸນ Crucifera ຊື່ວິທະຍາສາດ: Brassica oleracea var botrytis Linn. ສາມາດປູກໄດ້ໃນດິນເກືອບທຸກຊະນິດ ໃຫ້ດີແທ້ຕ້ອງເປັນປະເພດດິນຮ່ວນປົນຊາຍ ມີຄວາມເປັນກົດເປັນດ່າງ pH 6.5-6.8 ຫລື ເປັນກົດອ່ອນ ຕ້ອງການອຸນຫະພູມອາກາດ ໃນເວລາຈະເລີນເຕີບໂຕ ປະມານ 24 ອົງສາເຊ.